Ils geniturs han il dretg e l'obligaziun da procurar per il bainstar da l'uffant. Latiers tutgan per exempel la tgira e l'educaziun da l'uffant sco er sia scolaziun e la represchentanza legala fin ch'el ha 18 onns, q.v.d. fin a sia maiorennitad. Plinavant il dretg da determinar la dimora da l'uffant e d'administrar la facultad da l'uffant.

En cas da pèrs maridads vala la regla che uffants minorens stattan sut la tgira genituriala cuminaivla da la mamma e dal bab. Er geniturs che n'èn betg maridads in cun l'auter pon pratitgar il dretg da tgira cuminaivel. Per quest intent pon els dar ina decleraziun ensemen cun la renconuschientscha da l'uffant a l'uffizi da stadi civil cumpetent u pli tard a l'autoritad per la protecziun d'uffants e da creschids (APUC).