La locataria u il locatari e la locatura u il locatur fan per regla in contract da locaziun en scrit. Cun la suttascripziun s'obligheschan tuttas duas varts d'observar las cunvegnas fatgas. Il contract da locaziun stuais Vus metter en salv.

L'urden da chasa è ina part integrala dal contract da locaziun e cuntegna reglas che duain garantir la convivenza paschaivla ed ordinada en chasa. Reglads vegnan per exempel il ruaus da notg, l'utilisaziun da la lavandaria, l'urden sin ils corridors e sin las stgalas, il tegnair animals da chasa e bleras autras chaussas.