Las premias da las cassas da malsauns pon engrevgiar las finanzas dal tegnairchasa. I dat differentas pussaivladads da reducir ils custs per las premias.

• Tras ina franschisa auta: Cun ina franschisa auta (maximalmain 2500 francs) sa reducescha la premia fermamain. Attenziun: Quai vala però mo la paina, sche Vus essas mo pauc malsauna u malsaun e sche Vus stuais ir mo pauc tar il medi.
• Tras ina cassa da malsauns favuraivla: Cumparegliai las premias e las prestaziuns da las cassas da malsauns, per exempel cun il calculatur da premias sin la pagina d'internet da la confederaziun www.priminfo.ch
• Tras la reducziun individuala da las premias dal chantun: Persunas cun entradas pitschnas han il dretg da survegnir ina reducziun da las premias dal chantun. Quai vul dir, ch'il chantun paja ina part da la premia da la cassa da malsauns. Per far valair Voss dretg, stuais Vus inoltrar mintga onn in formular entaifer il termin fixà. As infurmai tar Vossa vischnanca da domicil u tar l'institut d'assicuranza sociala dal Grischun.