Davart il tema vegliadetgna existan bleras infurmaziuns e purschidas da cussegliaziun. L'emprima staziun da consultaziun en cas da dumondas è la vischnanca da domicil u il center da sanadad regiunal. Intginas vischnancas han er endrizzà in post spezialisà e d'infurmaziun per quest intent. Infurmaziuns detagliadas davart temas sco promoziun da la sanadad, abitar, mintgadi e concepziun da la vita, tgira ed assistenza chattais Vus er sin la plattafurma d'infurmaziun "Mussavia per la vegliadetgna Grischun".

La Pro senectute è l'organisaziun privata la pli gronda da non-profit en il servetsch da las persunas pli veglias en Svizra. Persunas pli veglias e lur confamigliars pon sa laschar cussegliar en moda cumpetenta, gratuita e discreta en ils posts da cussegliaziun regiunals a Cuira, Ftan, Glion, Samedan e Tusaun. La purschida da servetschs cumpiglia cussegliaziuns socialas e finanzialas persunalas, curs, promoziun da la sanadad e prevenziun sco er lavur per la cuminanza.