Per uffants che discurran in'autra lingua che quella ch'è la lingua da scola al lieu, datti ina instrucziun da promoziun speziala. Questa instrucziun supplementara è gratuita. Per il solit frequentan ils uffants questa instrucziun durant 1 fin 2 onns.

En intginas paucas vischnancas datti er ina classa d'integraziun per uffants da lingua estra che sa chasan da nov en il chantun Grischun. En questa classa vegnan ils uffants instruids durant in mez u in entir onn en moda intensiva en la lingua da scola. Quai sco sustegn per l'integraziun en scola.

La frequentaziun da l'instrucziun en la lingua ed en la cultura da la patria (LCP) è voluntara, vegn dentant recumandada. Là extendan ils uffants lur enconuschientschas da la lingua e da la cultura da lur pajais da derivanza. Uniuns da geniturs u ambassadas organiseschan quests curs. Meglier ch'in uffant discurra sia lingua materna, e pli tgunsch ch'el emprenda la lingua locala.