L'organisaziun "tgira ed assistenza a chasa ordaifer l'ospital" (spitex) organisescha er il servetsch da pastgs frestgs: Persunas veglias, malsaunas ed impedidas survegnan mintga di furnì a chasa in gentar chaud. Tge organisaziun da spitex ch'è responsabla per Vossa vischnanca, tge prestaziuns ch'ella porscha e co che Vus la pudais contactar, vegnis Vus a savair tar la federaziun grischuna da spitex.

Er la fundaziun Pro senectute porscha blers servetschs per persunas attempadas. Uschia pon ellas viver pli ditg a chasa. Pro senectute vul promover e mantegnair l'independenza e la qualitad da viver dals conumans sur 60. Umans attempads e lur confamigliars survegnan cussegliaziuns gratuitas e confidenzialas:

• en cas da difficultads finanzialas
• en cas da fatschentas giuridicas
• per dumagnar crisas da vita
• per concepir il temp liber
• en cas da dumondas d'abitar e da relaziun

Forsa na basta quest agid betg e Vus duvrais sustegn di e notg. Alura è in center u ina chasa da persunas attempadas forsa pli adattà per Voss basegns.

 

En tge chasa da persunas attempadas u da tgira che Vus vegnis a star dependa da Voss domicil. La Pro senectute u Voss medi da chasa As cusseglia tar ils scleriments.