Ekonomia zvicerane dallohet nëpërmjet një gjendjeje të lartë zhvillimi. Ajo ia detyron atë sistemit liberal ekonomik, stabilitetit politik dhe gërshetimit të ngushtë me jashtë shtetin. Dhe natyrisht janë forcat e punës të formuara mirë, të cilat me punën e tyre shumë të kualifikuar kontribuojnë thelbësisht në suksesin.

Sektori më i rëndësishëm i ekonomisë në Zvicër është sektori i shërbimeve me bankat dhe sigurimet, turizmin, tregtinë me shumicë dhe me pakicë, administratën publike dhe sigurimet shoqërore. I rëndësishëm për ekonominë zvicerane është përveç kësaj sektori i industrisë me industrinë mekanike, elektrike dhe metalike, industrinë kimike dhe farmaceutike, teknikën mjekësore, industrinë ushqimore dhe industrinë e orëve. Sektori më i vogël ekonomik është sektori i bujqësisë.

Në vitin 2017 u numëruan në Zvicër mbi 590000 ndërmarrje të ekonomisë së tregut. Më shumë se tre të katërtat janë me punë në sektorin e shërbimeve. Mbi 99 përqind të të gjitha ndërmarrjeve në Zvicër janë ndërmarrje të vogla dhe të mesme (KMU); këto janë ndërmarrje me më pak se 250 bashkëpunëtorë. Afërsisht 89 përqind janë mikro-ndërmarrje, si të tilla me më pak se 10 bashkëpunëtorë. Dy të tretat e të punësuarve punojnë në "KMU", një e treta në ndërmarrje të mëdha (Burimi: Enti Federal për Statistikat, gjendja në vitin 2017).