Një rast emergjent është një situatë e rrezikshme për jetën. Në spitalet më të shumta publike ka një stacion për raste emergjente, i cili është i hapur 24 orë. Por ai është i paraparë për raste mjaft të vështira.

Nëse një njeri afër jush pëson një rast emergjent (p.sh. një aksident), është tepër e rëndësishme, të jepni ndihmën e parë. Gjatë kësaj duhet të sigurohen funksione të rëndësishme jetike të trupit si vetëdija, frymëmarrja dhe qarkullimi i gjakut. Çfarë duhet të bëhet saktësisht, mund të mësosh në një kurs.

Numra për raste emergjente në Zvicër të arritshme 24 orë në ditë

• Numër telefoni i urgjencës (policia, zjarrfikëset, saniteti): 112
• Policia: 117
• Zjarrfikëset (zjarr, ujë gaz,): 118
• Saniteti: 144
• REGA (helikopteri i shpëtimit): 1414
• Helmime (centrali i informacioneve toksikologjike:) 145
• Ndihmë telefonike për fëmijë dhe të rinj: 147

• Qëndroni të qetë
• Vlerësoheni situatën
• Çfarë ka ndodhur?
• Kush është i prekur?
• Dalloheni rrezikun
• Çoni ju veten tuaj, viktimën e aksidentit dhe pjesëtarë të tjerë në siguri.
• Alarmoni forcat e shpëtimit 144 ose 112
• Jepni ndihmën e shpejtë

Telefonata juaj do të merret nga një drejtues i kualifikuar i shërbimit. Sipas njoftimit alarmohen menjëherë të gjitha organet e nevojshme për ndihmë (shërbimi i shpëtimit, mjeku i shërbimit, helikopteri i shpëtimit, policia dhe /ose zjarrfikëset) Numrit të telefonit 144 ose 112 mund t’i bihet si nga telefona publikë, rrjeti fiks ashtu edhe nga lidhjet mobile pa pagesë dhe pa prefiks.

Informacionet e mëposhtme janë të rëndësishme për centralin e telefonit të urgjencës

• Emri juaj dhe numri juaj i telefonit për një telefonatë të mundshme.
• Një përshkrim i shkurtër, çfarë ka ndodhur.
• Të dhëna të sakta për vendin e emergjencës: Vendi, rruga, numri i shtëpisë.
• Sa pacientë ka.
• Gjendja e pacientit: Është ai me vetëdije? Merr frymë pacienti?
• Kur ka ndodhur ngjarja?

Përfundoni bisedën vetëm atëhere, kur drejtuesi i shërbimit ka vërtetuar, se ai merr masat paraprake.