En Svizra datti pliras organisaziuns che s'occupan da dumondas en connex cun abitaziuns. Ina da quellas è l'associaziun svizra da las locatarias e dals locataris. Ella s'engascha per ils interess ed ils dretgs da las locatarias e dals locataris, cusseglia ses commembers e furnescha ulteriurs servetschs.

Er l'autoritad da mediaziun As infurmescha en tut las dumondas davart la locaziun, per exempel en cas da desditgas, d'augments dal tschains u da la restituziun dal deposit. Ultra da quai intermediescha ella en cas da dispita tranter locatarias, locataris, locaturas e locaturs. Las cussegliaziuns e las tractativas èn gratuitas. Al termin da cussegliaziun ston vegnir purtads tut ils documents, oravant tut natiralmain il contract da locaziun.

En il chantun Grischun èn ils uffizis da mediaziun las autoritads da mediaziun. Las adressas da contact chattais Vus sin la pagina d'internet "Giustia dal Grischun".