Bler rument resulta di per di er en cuschina. Intgins da quests ruments pudais Vus cumpostar. Quai vul dir: Ils ruments vegnan transfurmads en in process biologic a dioxid carbonic, aua e humus. Cumpost u ruments verds èn tranter auter:

• lavadiras (fritga e legums)
• vanzadiras da spaisas (er charn e pesch)
• fritga e legums ch'èn ids a mal
• fundagl, té (cun satget, ma senza emballadi)
• crosas d'ov manizzadas
• crustas-chaschiel
• flurs da tagl, plantas en vaschs e terra da plantas veglia

Il meglier èsi, sche Vus rimnais quests ruments l'emprim en ina sadella separada. Cura che quella è plaina, svidais Vus ella sin il mantun da cumpost da Vossa chasa u da Voss quartier. Sch'i na dat nagin mantun da cumpost tar Vus, profitai simplamain dal servetsch da rument verd da Vossa vischnanca.