Sche Vus giais a spassegiar cun Voss chaun, stuais Vus adina prender cun Vus satgets per excrements da chauns. Quels duvrais Vus numnadamain per prender si da plaun e per dismetter il cac da Voss chaun. Sche Vus tegnais in chaun, essas Vus obligads da far quai. Ils satgets per excrements da chauns pudais Vus cumprar tranter auter en butias spezialisadas per rauba d'animals.

Per dismetter ils satgets datti en la gronda part da las vischnancas uschenumnads robidogs. Quai èn recipients spezials per cac da chauns; tals èn per il solit verds ed inditgads correspundentamain.

La gronda part dals robidogs sa chattan sin las plazzas u per lung da las vias da spassegiar che vegnan duvradas il pli savens da las persunas che tegnan chauns. Nua che quellas èn en Vossa regiun, As po explitgar la vischnanca.