Dapli rument che Vus separais e dapli che Vus pudais spargnar ed avair quità da noss ambient. Ils suandants ruments pudais Vus separar e lura dismetter:
- palpiri vegl e chartun
- buttiglias e vaider
- ruments chasans cumpostabels (sco per exempel lavadiras e fritgs u legums ch'èn ids a mal)
- ielis da cuschinar
- textilias
- metals, aluminium e stgatlas da conserva
- rauba bloccanta
Tge ruments che vegnan rimnads e tgenins che Vus stuais purtar sez al center da rimnada public, vegnis Vus a savair tar Vossa vischnanca. Impurtant en quest connex è: Observai per plaschair las prescripziuns correspundentas. Il vaider e las buttiglias dastgais Vus per exempel dismetter mo durant tscherts temps. Las vischinas ed ils vischins dals centers da rimnada vegnan ad esser engraziaivels.
Er buttiglias da PET e buttiglias da latg da plastic duessas Vus dismetter separadamain. Buttiglias da PET vidas pon ins utilisar – grazia ad ina procedura speziala – per far novas buttiglias. Mintgatant datti er centers da rimnada publics per quai. Vus pudais er returnar las buttiglias en las fatschentas, nua che Vus las avais cumpradas.
Buttiglias da PET vidas d'ieli da cuschinar, d'aschieu u da schampo, emballadis da PET per cosmetica e.u.v. e buttiglias d'auter material sintetic tutgan però en il satg da rument uffizial.
