Prender a fit in auto

Prender a fit in auto

Nua poss jau prender a fit favuraivlamain in auto?

En Svizra datti pliras interpresas, tar las qualas Vus pudais prender a fit in auto. Sche Vus duvrais in auto mo per intginas uras, stat a disposiziun l'associaziun Mobility. Mobility ha staziunà en numerus lieus da la Svizra autos da differentas grondezzas e categorias. Dentant stuais Vus l'emprim daventar commembra u commember da l'associaziun Mobility per pudair profitar dals pretschs favuraivels. Sche Vus na duvrais betg mintga di in auto, è ina commembranza tar Mobility cleramain pli bunmartgada che la cumpra d'in agen vehichel. L'auto da Mobility vegn reservà per internet, per telefonin u per telefon. Cun la carta da commember al pudais Vus avrir e duvrar.