Ultra da la AVS e da la 2. pitga datti la prevenziun privata, la 3. pitga. En la 3. pitga (pli exact: en la pitga 3a) pon ins spargnar facultativamain daners per la vita suenter il pensiunament. Il stadi promova quest spargnar cun avantatgs fiscals, dentant mo en moda limitada.

Las emploiadas ed ils emploiads che pajan gia contribuziuns en la AVS ed en la cassa da pensiun, pon pajar supplementarmain stgars 7000 francs per onn (l'import vegn fixà mintga onn da nov) en la 3. pitga e deducir quest import da la taglia. Persunas cun activitad da gudogn independenta pon pajar 20 pertschient da lur entradas annualas en la 3. pitga e deducir quest import da la taglia. (Er qua datti ina limita maximala.) La 3. pitga è pervia da quai la furma la pli impurtanta da prevenziun da vegliadetgna per persunas cun activitad da gudogn independenta.