Tut las persunas emploiadas survegnan in supplement da famiglia per uffant? En il chantun Grischun vegnan pajadas las suandantas contribuziuns (stadi dal schaner 2021):
- 220 francs per uffant e per mais
- 270 francs per mais per uffants en scolaziun da 16 fin 25 onns (uschenumnà supplement per scolaziun)
Il supplement da famiglia vegn pajà al genitur cun il salari il pli aut.
En tut ils chantuns han er persunas senza activitad da gudogn il dretg da survegnir in supplement da famiglia. En il chantun Grischun dastga lur entrada ch'è suttamessa a la taglia betg surpassar 43 020 francs per onn (stadi dal schaner 2021). Manegiads èn persunas cun ina pitschna occupaziun u per exempel studentas e students che han pitschnas entradas d'in gudogn accessoric.
Persunas cun activitad da gudogn independenta ch'èn annunziadas tar la cassa da cumpensaziun e che han entradas minimalas da 7170 francs per onn (stadi dal schaner 2021), han medemamain il dretg da survegnir supplements da famiglia.
A las persunas emploiadas vegn il supplement da famiglia per regla pajà da la patruna u dal patrun ensemen cun il salari. Persunas senza activitad da gudogn e persunas cun activitad da gudogn independenta survegnan il supplement da famiglia da l'institut d'assicuranza sociala dal chantun Grischun.
