Violenza en la lètg ed en il partenadi sco er cunter uffants na vegn betg acceptada en Svizra. Tgi che dovra violenza, sa fa chastiabel. Tgi ch'è pertutgà da violenza a chasa, po sa drizzar ad in post da cussegliaziun. En ina situaziun da privel acuta pudais Vus dumandar directamain la protecziun e l'agid da la polizia (telefon 117).

Uffants e giuvenils

Uffants e giuvenils ch'èn pertutgads da violenza, pon sa drizzar als suandants posts:

• Post da cussegliaziun per l'agid a victimas dal chantun Grischun
  Klostergasse 5
  7000 Cuira
  Telefon 081 257 31 50
  opferhilfe@soa.gr.ch

 

• Clom d'urgenza per uffants e per giuvenils
  Telefon 147 (gratuit)
  www.147.ch

Chasa per dunnas dal Grischun

La chasa per dunnas dal Grischun dat albiert e protecziun, tgira e cussegliaziun a dunnas, a lur uffants ed a giuvenilas. La chasa per dunnas è averta per victimas femininas da tut las naziunalitads, e quai durant 24 uras. Telefon 081 252 38 02. I dat er ina cussegliaziun per internet.

Umens, dunnas e giuvenils ch'èn violents u che smanatschan cun violenza pon sa drizzar al post da cussegliaziun per persunas violentas. La purschida da cussegliaziun cumpiglia la cussegliaziun per telefon, l'intervenziun en cas da crisa e la cussegliaziun individuala. Persunas spezialisadas elavuran ensemen cun las persunas che tschertgan cussegl furmas da schliar conflicts senza violenza.