Avais Vus prendì domicil en il chantun Grischun e vulessas Vus As infurmar davart la vita en il Grischun ed en Svizra?
Sco agid d'orientaziun chattais Vus qua infurmaziuns impurtantas davart temas dal mintgadi che As faciliteschan l'arrivada en il Grischun. Ulteriuras infurmaziuns utilas chattais Vus er en la broschura chantunala da bainvegni ch'è disponibla en 20 linguas.
Emprendai d'enconuscher Vossa nova patria, emprendai la lingua locala ed entrai en contact cun persunas da la vischinanza, da la vischnanca, da Vossa plazza da lavur u d'uniuns. La participaziun a la vita sociala è giavischada!
Il post spezialisà per l'integraziun stat gugent a Vossa disposiziun per dumondas en connex cun l'integraziun ed As giavischa ina buna partenza en il Grischun.
