• Bumaun (1. da schaner)
• Venderdi sontg
• Pasca
• Glindesdi da Pasca
• Ascensiun
• Tschuncaisma
• Glindesdi da Tschuncaisma
• Di da la festa naziunala (1. d'avust)
• Rogaziun federala (3. dumengia dal settember)
• Di da Nadal (25 da december)
• Son Steffan / Firà da Nadal (26 da december)

Ils firads èn serradas las fatschentas. Il di avant serran las fatschentas per regla pli baud, per il solit a las 17.00 resp. a las 18.00.

En las regiuns u en tscherts lieus existan anc auters firads locals. Ina survista porscha la pagina d'internet "Firads svizzers".

Tar la patria tutgan la tradiziun e las isanzas. Il Grischun guarda enavos sin ina istorgia da colonisaziun dad 11 000 onns, ed en il Grischun èn da chasa las trais culturas linguisticas rumantsch, tudestg e talian. Quai ha purtà ina gronda ritgezza da tradiziuns e d'isanzas.

Intginas isanzas, sco per exempel il "Chalandamarz" (isanza da primavaira) u las "Barchinas" (isanza per il solstizi d'enviern), derivan dal temp precristian.

Dumandai Vossa vischnanca da domicil ubain Vossas vischinas e Voss vischins, tge isanzas che vegnan tgiradas en la regiun.