Permissiun da dimora e reuniun da la famiglia

Permissiun da dimora e reuniun da la famiglia

Permissiun da dimora e reuniun da la famiglia

Burgaisas e burgais da la UE/AECL pon dumandar ina permissiun da dimora tant avant sco er suenter l'entrada en Svizra. A lavurantas ed a lavurants da terzs stadis (stadis che n'èn betg commembers da la UE/AECL) vegnan concedidas permissiuns da dimora mo en cas excepziunals, sch'i sa tracta da forzas da lavur qualifitgadas u sche motivs spezials giustifitgeschan in'excepziun.

 

Burgaisas e burgais da la UE/AECL pon per regla laschar suandar lur confamigliaras e lur confamigliars independentamain dal gener da la permissiun da dimora. Sco confamigliaras e confamigliars valan ils geniturs ed ils uffants. Persunas da terzs stadis che possedan ina permissiun da dimora pon inoltrar a l'uffizi da migraziun e da dretg civil ina dumonda da reuniun da la famiglia (conjugala u conjugal ed uffants), resguardond las premissas legalas. La dumonda da reuniun da la famiglia sto vegnir inoltrada entaifer 5 onns ed en cas d'uffants da 12 onns e dapli entaifer 1 onn.

 

Tar l'uffizi da migraziun e da dretg civil dal Grischun u sin sia pagina d'internet stattan a disposiziun fegls cun las infurmaziuns las pli impurtantas davart ils temas permissiun da dimora e reuniun da la famiglia. Quels èn disponibels per tudestg e per talian.

 

Contact

Contact

  • Uffizi da migraziun e da dretg civil dal Grischun

    Karlihof 47001 Cuira081 257 30 01www.afm.gr.ch