Sustegn d'uffants da scola

Servetsch psicologic da scola

Tge fa il servetsch psicologic da scola?

Il servetsch psicologic da scola cusseglia persunas d'instrucziun e geniturs, sch'in uffant ha difficultads en scola. Tscherts uffants han nauschas notas ed èn surdumandads. Auters èn sutdumandads ed han lungurella en scola. Puspè auters na pon betg sa concentrar bain u èn inquiets durant l'instrucziun. U in uffant na va betg gugent a scola pervia da las camaratas e dals camarats.

 

La psicologa u il psicolog da scola maina discurs cun l'uffant e cun ils geniturs. Per far ils scleriments po el er far diever da tests. Sin fundament dals resultats propona la psicologa u il psicolog da scola, co ch'ins po gidar l'uffant il meglier.

 

La psicologa u il psicolog da scola po proponer ina terapia u ina instrucziun supplementara u er la translocaziun da l'uffant en in auter tip da scola. Mintgatant cusseglia ella u el er simplamain la persuna d'instrucziun, co ch'ella po sustegnair e promover meglier l'uffant.

 

En il chantun Grischun existan differents posts regiunals dal servetsch psicologic da scola.