Suenter il stgalim primar mida Voss uffant al stgalim secundar. La persuna d'instrucziun propona in tip da scola, al qual Voss uffant vegn attribuì. Per quest intent vegni guardà sin sias notas e sin ses cumportament en scola. Manegià è, quant enavant che l'uffant ha demussà interess, diligenza, independenza cun emprender e fidadadad en l'instrucziun.

Sche Vus n'essas betg d'accord cun la proposta, lura infurmai la persuna d'instrucziun. La decisiun vegn prendida dal cussegl da scola (autoritad locala da scola). Cunter questa decisiun pon ils geniturs far recurs.