Scola

Organisaziun da la scola

Co è organisada la scola en il Grischun?

En Svizra sa differenzieschan ils sistems da scola d'in chantun a l'auter. En il chantun Grischun è la scola obligatorica dal 7. fin il 16. onn da vita (scola primara e stgalim secundar I) e dura en tut 9 onns.

 

Avant ch'entrar en scola va la gronda part dals uffants 2 onns a scolina. Suenter la scolina suonda la scola primara (6 onns), lura il stgalim secundar I (3 onns). Sin il stgalim secundar I datti differents tips da scola cun grads da difficultad pli auts u pli bass. En il Grischun datti la scola reala (pretensiuns generalas), la scola secundara (pretensiuns extendidas) sco er il gimnasi inferiur resp. il gimnasi.

 

La scola publica ha num scola populara ed è gratuita. Ils geniturs èn libers da tscherner ina scola privata per lur uffants. Scolas privatas n'èn betg gratuitas. Responsabel per la scola obligatorica è en il chantun Grischun l'uffizi per la scola populara ed il sport. Las vischnancas organiseschan il manaschi da scola.

 

Infurmaziuns davart tut ils temas da scola survegnis Vus tar la scola da Vossa vischnanca da domicil u tar l'uffizi per la scola populara ed il sport.

Contact

Contact

  • Uffizi per la scola populara ed il sport

    Quaderstrasse 177000 Cuira081 257 27 36www.avs.gr.ch