Uffants pitschens

Emprender ina lingua

Tge gida mes uffant ad emprender la lingua locala?

Meglier ch'ils uffants san la lingua materna e pli tgunsch ch'els emprendan la lingua locala. Perquai: Prendai temp per discurrer cun Voss uffant en Vossa lingua.

 

Discurri cun Vossa figlia e cun Voss figl, durant che Vus faschais il tegnairchasa. Tadlai e respundai, cur ch'ils uffants discurran cun Vus. Giai ensemen al liber – a la plazza da giugar, en il guaud, sper in lai, en il curtin zoologic. Discurri davart quai che Vus vesais e gidai uschia l'uffant ad engrondir ses vocabulari. Guardai ensemen cudeschs da maletgs e raquintai istorgias.

 

Sin la plazza da giugar u en la gruppa da gieu ha Voss uffant l'occasiun dad esser ensemen cun uffants indigens. As allegrai dals pleds ch'el emprenda en la nova lingua. Quai dat curaschi d'emprender ulteriurs pleds.

 

Documents