Pops ed uffants pitschens dovran assistenza. Per ch'els possian sa sviluppar bain, dovran els differents impuls ed ina promoziun multifara. Betg adina na po ina persuna da la famiglia surpigliar questa incumbensa impurtanta.

Per uffants fin circa 4 onns existan en bleras vischnancas canortas u structuras dal di. Là vegnan ils pitschens assistids e promovids durant il di tras persunas spezialisadas. Per regla pon ils geniturs decider, sch'els vulan laschar ir lur uffant mintga di, mo durant singuls dis u mo durant mezs dis en la canorta.

Igl è er pussaivel da dar l'uffant ad ina mamma dal di u ad ina famiglia dal di. Mammas dal di èn dunnas che guardan da Voss uffant durant l'entir di, durant in mez di u durant tschertas uras. Ulteriuras infurmaziuns en chaussa survegnis Vus dal post spezialisà per tgira d'uffants cumplementara a la famiglia famur.