Educaziun

Fixar reglas

Tge duai jau far, sche mes uffant n'obedescha betg?

En tut las famiglias capiti ch'ils uffants na fan mintgatant betg per cumond. Igl è bun, sche Vus reagis directamain sin talas situaziuns. Na faschai betg memia ditg pressiun sin Voss uffant cun discurrer cun el. In cler: «Jau na vi betg pli che ti fetschias quai! Has chapì?» porta dapli. Guardai en ils egls a l'uffant, e stgaffì er in contact corporal en cas d'in uffant pli pitschen, per exempel cun tegnair levamain sias spatlas.

 

Vus dastgais er ina giada auzar Vossa vusch e mussar Vossa gritta. Regurdai l'uffant a las cunvegnas ed a las reglas fixadas. Communitgai a l'uffant las consequenzas, sche las reglas na vegnan betg respectadas: Uffants na dastgan forsa betg guardar televisiun durant in pèr dis, giuvenils na dastgan per exempel betg sa scuntrar la proxima sonda cun lur collegas.

 

Natiralmain ch'ils uffants sa grittentan davart talas consequenzas. N'As laschai betg metter sut pressiun pervia da quai. Pensai che cleras reglas dattan tegn ed orientaziun. Vossa figlia u Voss figl è adina puspè confruntà cun reglas er en auters lieus, saja quai en scola, en il traffic, en il mund da lavur u en il temp liber.