Educaziun

Medias digitalas

Co protegel jau mes uffant en il mund digital?

Uffants e giuvenils creschan si en in mund medial multifar. Durant il temp liber guardan els televisiun, dattan gieus al computer, s'infurmeschan e sa collian en l'internet e communitgeschan cun collegas sur il telefonin. En scola ed en il mintgadi da Voss uffant tutgan las novas medias tar la normalitad. Als uffants ed als giuvenils porschan ellas bleras schanzas da svilup e d'emprender, cuntegnan dentant er tscherts privels. Da la televisiun e da l'internet pon ins daventar dependent, cunter uffants e giuvenils poi vegnir fatg mobing, datas persunalas pon vegnir malduvradas ed i po dar abus sexuals.

 

Sco en il mund fisic ston ils uffants vegnir accumpagnads da persunas creschidas er en il mund digital. Pervia da quai èsi impurtant da scuvrir ils emprims onns las pussaivladads da las medias digitalas tut tenor la vegliadetgna ensemen cun Voss uffant e da discurrer cun el davart las experientschas fatgas. Fixai ensemen cun Voss uffant, quant temp ch'el dastga passentar cun las medias digitalas, e mettai clers cunfins. Qua tras avischinais Vus Voss uffant ad in consum da medias segir. L'uffant emprenda d'examinar sez criticamain ils cuntegns, el vesa ils privels pussaivels e sa, co ch'el po sa proteger.