Suenter la terminaziun da l'emprendissadi datti numerusas pussaivladads per sa perfecziunar. Blers patruns pli gronds pussibiliteschan a lur emploiadas ed emploiads da frequentar curs da perfecziunament interns. Ellas ed els pon per exempel absolver in emprendissadi supplementar resp. in segund emprendissadi, far in examen professiunal (certificat professiunal federal) u in examen professiunal superiur (diplom da maistra u maister resp. diplom federal). Plinavant datti scolas spezialisadas superiuras e scolas autas spezialisadas. Infurmaziuns survegnis Vus tranter auter en il center d'infurmaziun professiunala u tar las scolas autas spezialisadas sezzas.