Avais Vus surpais u sutpais? Alura stuessas Vus l'emprim controllar Vossas disas d'As nutrir e Voss stil da viver. U dumandai la media u il medi da chasa per cussegl. En la pratica da la media u dal medi u en l'apoteca datti broschuras d'infurmaziun pertutgant in'alimentaziun sauna e pertutgant surpais/sutpais. Tscherts ospitals chantunals porschan ina cussegliaziun da nutriment. Dumandai, sche la cassa da malsauns surpiglia ils custs da questa cussegliaziun. Ultra d'ina alimentaziun sauna èsi er impurtant d'avair avunda moviment.

Per uffants e giuvenils cun surpais datti programs en tut la Svizra. La finamira da quests curs è quella da cuntanscher in pais saun.