Il contract da lavur regla ils dretgs e las obligaziuns da las lavurantas e dals lavurants sco er da las patrunas e dals patruns. La lavuranta u il lavurant s'oblighescha da prestar la lavur fixada e la patruna u il patrun ha l'obligaziun da pajar il salari e las prestaziuns socialas e da dar las vacanzas. Il contract da lavur sto cuntegnair almain ils nums da las duas partidas (patruna u patrun e lavuranta u lavurant), la data dal cumenzament dal contract, la lavur che sto vegnir prestada ed il salari che sto vegnir pajà. Quai che las partidas na fixeschan betg en il contract, è savens reglà en autras leschas u en auters reglaments, en spezial en il dretg d'obligaziuns svizzer ed en ils contracts collectivs da lavur.