Plazzas libras

As infurmai davart la firma. Studegiai las paginas d'internet da l'interpresa per che Vus sappias per exempel tge che la firma fa, quantas collavuraturas e collavuraturs ch'ella ha u quant ditg ch'ella exista gia e.u.v.
As nudai atgnas dumondas che Vus vulessas tschentar. Per exempel davart la firma, davart las incumbensas concretas, davart il team u davart l'introducziun.
As preparai per dumondas pussaivlas davart il curs da Vossa vita, davart Vossas fermezzas e deblezzas, davart Voss giavischs concernent il salari u davart Vossas ideas pertutgant la plazza publitgada. Sche pussaivel, exercitai in tal discurs cun amis.
Tscherni vestgadira adattada – che correspunda a la posiziun e n'As preschentai betg en vestgadira da temp liber.
Prendai cun Vus ils suandants documents per il discurs: la publicaziun da la plazza, Voss dossier d'annunzia, Vossas dumondas, in bloc da notizias ed insatge per scriver sco er Vossa agenda.

Discurs da preschentaziun