Plazzas libras

Annunzia

Tge stuess cuntegnair in'annunzia en scrit?

L'annunzia en scrit è Vossa carta da visita persunala e cumpiglia per regla ils suandants documents:

 

  • Brev accumpagnanta: Ella declera, pertge che Vus As interessais precis per questa plazza e per tge motivs che Vus essas ina buna tscherna. Cun questa brev mussais Vus er a la patruna u al patrun che Vus vulessas gugent collavurar en l'avegnir per cuntanscher las finamiras da la firma. Na scrivai betg brevs da seria, mabain in'atgna brev per mintga annunzia.
  • Curs da la vita (CV): El infurmescha la patruna u il patrun davart Vossa persuna, davart Vossa via da scolaziun e davart Vossas furmaziuns supplementaras, davart las staziuns professiunalas e davart las experientschas fatgas en quest connex, davart Vossas enconuschientschas linguisticas e da l'informatica. I dat blers models, co ch'in curs da la vita sto esser concepì e tge ch'el sto cuntegnair. Guardai l'emprim in pèr exempels sin l'internet u d'amis e da persunas enconuschentas ed As laschai inspirar.
  • Attestats e diploms da scolaziun: Impurtanta è ina preschentaziun senza largias e documentada cun attestats da las activitads professiunalas. Agiuntai er ils attests finals da Vossa ultima scolaziun sco er da furmaziuns supplementaras relevantas. Ma adatg: Na tramettai mai ils documents originals, mabain copias!