Tgi che lavura en moda illegala, vegn indemnisà per ina lavur legala senza esser annunzià tar las assicuranzas socialas, tar l'administraziun da taglia e/u tar las autoritads ch'èn cumpetentas per las persunas estras. Quai èn cuntravenziuns cunter las obligaziuns d'annunzia e da permissiun tenor il dretg d'assicuranza sociala, tenor il dretg da la taglia a la funtauna e/u tenor il dretg da persunas estras. E Vus As faschais chastiabla u chastiabel, perquai che Vus cuntrafaschais a la nova lescha federala davart las mesiras per cumbatter la lavur illegala (LLI). Mintga lavuranta e mintga lavurant ha il dretg d'in engaschament legal cun cundiziuns da lavur gistas e cun ina garanzia suffizienta tras l'assicuranza.