Emploiadas ed emploiads han il dretg da quatter emnas vacanzas per onn (tgi ch'è sut 20 onns, ha il dretg da tschintg emnas vacanzas). Il contract da lavur u il contract collectiv da lavur po prevair dapli vacanzas, ma betg damain. Las vacanzas servan a la recreaziun e na dastgan betg forsa vegnir cumpensadas cun ina indemnisaziun. Sch'il contract vala mo per in curt temp u sche la lavur è irregulara, èsi pussaivel da desister da las vacanzas e da laschar pajar l'import correspundent a la fin da mintga mais cun il salari. En quest cas èsi dentant indispensabel che quest import correspundia exactamain a las vacanzas e vegnia cumprovà separadamain sin il rendaquint dal salari.