Il dretg da lavur regla ils dretgs e las obligaziuns da las lavurantas e dals lavurants sco er da las patrunas e dals patruns. D'impurtanza èn:

• lescha da lavur (protecziun generala da la sanadad, temp da lavur e temp da paus, giuvenils, dunnas en speranza e mammas che tezzan)
• dretg d'obligaziuns (contract individual da lavur, contract collectiv da lavur, contract normal da lavur)
• lescha federala davart l'assicuranza d'accidents (segirezza a la plazza da lavur)

Per tut las persunas da naziunalitad estra che lavuran en Svizra valan las medemas disposiziuns dal dretg da lavur sco per lur collegas da lavur svizras e svizzers.