Integraziun

Integraziun

Tge è manegià cun "integraziun"?

L'integraziun ha in giavisch central: migrantas e migrants duain daventar abels da s'integrar en la societad svizra. Ellas ed els duain sa sentir bain e dumagnar bain il mintgadi. Latiers tutgi per exempel da pratitgar ina lavur e da sa participar activamain a la vita sociala.

 

La finamira da l'integraziun è che la populaziun residenta indigena e la populaziun residenta estra vivian bain ensemen. La basa per quai furman las valurs fundamentalas da la constituziun federala, respect e toleranza vicendaivla. Da las Svizras e dals Svizzers vegni en quest connex spetgà ch'ellas ed els sajan averts envers las persunas estras. E da las migrantas e dals migrants vul ins ch'ellas ed els emprendian ina da las linguas naziunalas e sa rendian famigliars cun las relaziuns e cun las cundiziuns da viver en Svizra.

 

L'integraziun è in process cuntinuant, che sa mida adina puspè, perquai che nossa societad sa mida er permanentamain. Pir cur che tuttas parts participadas – migrantas e migrants, Svizras e Svizzers sco er instituziuns – sa participeschan, po l'integraziun gartegiar.

 

Contact

  • Post spezialisà per l'integraziun dal Grischun

    Engadinstrasse 247000 Cuira081 257 36 83www.integration.gr.ch