Assicuranza da maternitad

Assicuranza da maternitad

Tge è l'assicuranza da maternitad?

En Svizra datti in'assicuranza da maternitad ch'è prescritta da la lescha: Quai vul dir che mammas cun activitad da gudogn survegnan suenter la naschientscha durant 14 emnas in congedi ed 80 pertschient da la media dal salari (quai vegn er numnà indemnisaziun en cas d'ina maternitad u congedi da maternitad). In congedi da paternitad tenor lescha na datti betg en Svizra. Singulas patrunas e singuls patruns concedan als babs suenter la naschientscha in congedi da paternitad pajà d'intginas emnas.